यस साता सो कम्पनीको शेयरमूल्य ५९ रुपैयाँ बढेको छ। गत साता ७९६ रुपैयाँमा अन्तिम कारोबार भएको यस कम्पनीको शेयर, यस साता ८५५ रुपैयाँमा अन्तिम कारोबार भएको छ।
प्रतिरोध परीक्षणमा
साताको अन्तिम कारोबार दिन कम्पनीको शेयरमूल्यले ८५५ देखि ८९० को प्रतिरोध क्षेत्र परीक्षण गरेको छ। सो दिन कम्पनीको शेयरमूल्य ८८१ रुपैयाँसम्म पुगेको थियो। आगामी साता कम्पनीको शेयरमूल्यमा प्रतिरोधको सामना गरी ओरालो लागेमा ७५० देखि ७७५ को क्षेत्रमा टेवा पाउने देखिन्छ। तर सो प्रतिरोध तोडेर उकालो लागेमा भने ९४५ देखि ९७५ को क्षेत्रमा प्रतिरोधको सामना गर्ने देखिन्छ।
खरिदकर्ता हाबी
साप्ताहिक रुपमा कम्पनीको शेयरमूल्यले लामो पुच्छर र टुप्पी भएको हरियो मैनबत्ती बनाएको छ। यसले सो साता कम्पनीको शेयरमा खरिदकर्ता हाबी रहेको संकेत गर्दछ। यद्यपि, साताको अन्तिम कारोबार दिन भने कम्पनीको शेयरमूल्यले सुटिङ्ग स्टार मैनबत्ती बनाएको छ। यसले आगामी दिनमा कम्पनीको शेयरमूल्य घट्न सक्ने संकेत गर्दछ।
एआई सिग्नल
मेरोलगानी एआई चार्टले हालसम्म कम्पनीको शेयरमा ६ वटा सिग्नल दिइसकेको छ। जसमध्ये २ सिग्नलमा स्टप लस गर्नु परेको थियो भने ४ सिग्नलमा लगानीकर्ताहरुले नाफा कमाएका थिए।
बलियो भोल्यूम
यस साता कम्पनीको भोल्यूम पनि बलियो रहेको छ। यस साता दैनिक औषतमा कम्पनीको ३६ हजार ८१२ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम १९ हजार ९१४ कित्ता रहेको छ। २० दिने औषत भोल्यूमको तुलनामा नेप्सेको दैनिक औषत भोल्यूम ८४.८५ प्रतिशत बढी हो।
बुलिश प्रवृत्ति
यस साता कम्पनीको शेयरमूल्य बुलिश प्रवृत्तिमा रहेको छ। कम्पनीको एमएसिडी रेखा सिग्नल रेखाभन्दा माथि रहेको छ। त्यसैगरी, कम्पनीको हिस्टोग्राम र एमएसिडी रेखा शून्य रेखाभन्दा माथि रहेको छ।
खरिदबिक्री चाप सन्तुलनमा
साताको अन्तिम कारोबार दिन कम्पनीको स्टकास्टिक आरएसआई न्यूट्रल जोनमा रहेको छ। यसले बजारमा कम्पनीको शेयरमा खरिदबिक्री चाप सन्तुलनमा रहेको संकेत गर्दछ।
वित्तीय अवस्था
चालु आर्थिक वर्षको पहिलो ३ महिनासम्ममा कम्पनीले विद्युत बिक्री मार्फत १३ करोड २३ लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा ३.८५ प्रतिशत बढी हो। गत आर्थिक वर्षको असोज मसान्तसम्ममा कम्पनीले १२ करोड ७४ लाख रुपैयाँ यस्तो आम्दानी गरेको थियो।
विद्युत बिक्री आम्दानीसँगै कम्पनीको खुद नाफा पनि सामान्य बढेको छ। समीक्षा अवधिमा कम्पनीको खुद नाफा ६ करोड ३९ लाख रुपैयाँबाट बढेर ८ करोड २१ लाख रुपैयाँ पुगेको छ। समीक्षा अवधिमा कम्पनीको कुल सञ्चालन खर्च ९४ लाख ४० हजार रुपैयाँबाट घटेर ७९ लाख १९ हजार रुपैयाँमा सीमित भएको छ भने कुल गैर सञ्चालन खर्च ५ करोड ४३ लाख रुपैयाँबाट घटेर ४ करोड २३ लाख रुपैयाँमा सीमित भएको छ।
८५ करोड रुपैयाँ चुक्ता पूँजी रहेको यस कम्पनीको जगेडा कोषमा १५ करोड २ लाख रुपैयाँ सञ्चित छ।
पहिलो त्रैमासको अन्त्यसम्ममा कम्पनीको प्रतिशेयर आम्दानी ३८ रुपैयाँ ६७ पैसा रहेको छ भने प्रतिशेयर नेटवर्थ ११७ रुपैयाँ ६८ पैसा रहेको छ। यस साताको अन्तिम कारोबार मूल्य आधारमा कम्पनीको मूल्य आम्दानी अनुपात २२.११ गुणा रहेको छ भने प्राइस टु बुकभ्यालु रेशियो ७.२७ गुणा रहेको छ।
आधारभूत विश्लेषण
हाल नेप्सेमा कम्पनीको ८५ लाख कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण ७ अर्ब २६ करोड ७५ लाख रुपैयाँ रहेको छ। कम्पनीको १८० दिने औषत मूल्य ७५२ रुपैयाँ २४ पैसा रहेको छ। त्यसैगरी, कम्पनीको ५२ हप्ताको उच्च मूल्य ९७२ रुपैयाँ रहेको छ भने न्यून मूल्य ४१९ रुपैयाँ रहेको छ।
ब्रोकर ६५ बाट सर्वाधिक खरिद
यस साता ब्रोकर नम्बर ६५ ले कम्पनीको सबैभन्दा बढी शेयर खरिद गरेको छ। यस साता सो ब्रोकरले कम्पनीको ३० हजार ७५१ कित्ता शेयर खरिद गरेको छ। यता ब्रोकर नम्बर ७७ ले यस साता कम्पनीको सबैभन्दा बढी २४ हजार ७०६ कित्ता शेयर बिक्री गरेको छ।
न्यूट्रल जोनमा
फियर एण्ड ग्रीड मिटरमा कम्पनीको शेयरमूल्य अहिले ग्रीड जोनबाट न्यूट्रल जोनमा झरेको छ। यसले लगानीकर्ताहरु कम्पनीको शेयरमूल्य बढ्छ भन्ने अपेक्षा कम भएको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
