यस दिन कर्पोरेट डेभलपमेन्ट बैंक (CORBL) , गणपति लघुवित्त वित्तीय संस्था लिमिटेड र विजय लघुवित्त वित्तीय संस्था (VLBS) ले गत आर्थिक वर्षको मुनाफाबाट शेयरधनीहरुलाई लाभांश वितरण नगर्ने घोषणा गरेका हुन्।
पुस ३ गते बसेको कर्पोरेट डेभलपमेन्ट बैंक र गणपति लघुवित्त (GMFBS) को सञ्चालक समितिको बैठक र पुस ४ गते बसेको विजय लघुवित्तको सञ्चालक समितिको बैठकले लाभांश वितरण नगर्ने निर्णय गरेका हुन्। यी कम्पनीहरुले सोही अनुसारको गत आर्थिक वर्षको वित्तीय विवरण स्वीकृतीका लागि नेपाल राष्ट्र बैंक पठाएका छन्।
