भन्सार विभागले सार्वजनिक गरेको तथ्याङ्क अनुसार चालु आर्थिक वर्षको पहिलो पाँच महिनामा कुल १५ अर्ब १८ करोड ११ लाख १८ हजार रुपैयाँको ९ लाख ९० हजार ७५४ थान स्मार्टफोन आयात भएको छ। यसबाट सरकारले २ अर्ब ८३ करोड ९ लाख ४५ हजार रुपैयाँ राजस्व उठाएको छ।
गत आर्थिक वर्षको यसै अवधिमा कुल ९ लाख २ हजार ९८१ थान स्मार्टफोन आयात भएको थियो। तथ्याङ्क अनुसार गत आर्थिक वर्षको पहिलो पाँच महिनामा १३ अर्ब ५९ करोडको फोन आयात भएको हो। तर यस वर्ष २ अर्ब रुपैयाँ बढीको स्मार्टफोन आयात भएको छ।
विभागको तथ्याङ्क अनुसार नेपालमा सबैभन्दा बढी चीनबाट मोबाइल आयात भएका छन् । चीनबाट मात्रै कार्तिकसम्ममा १० अर्ब ३५ करोड रूपैयाँ बराबरको ७ लाख ४७ हजार ५६४ थान स्मार्टफोन भित्रिएका छन् ।
त्यस्तै दोस्रोमा भारतबाट ४ अर्ब ५९ करोड ७५ लाख रूपैयाँको २ लाख ३९ हजार ८७८ थान मोबाइल आयात भएका छन् ।
मंसिरसम्ममा विभिन्न ५० भन्दा धेरै देशबाट स्मार्टफोन भित्रिएको विभागको तथ्याङ्कले देखाउँछ।
