गत आर्थिक वर्षको पहिलो त्रैमासमा कम्पनीले ८ करोड ५५ लाख रुपैयाँ खुद नाफा कमाएको थियो।
इन्स्योरेन्सको खुद बीमाशुल्क भने १४.०३ प्रतिशतले बढेर ४९ करोड ३५ लाख रुपैयाँ पुगेको छ। गत आर्थिक वर्षको यसै अवधिमा इन्स्योरेन्सले ४३ करोड २८ लाख रुपैयाँ खुद बीमाशुल्क आर्जन गरेको थियो।
यस्तै, इन्स्योरेन्सले पुनर्बीमा कमिशनबाट ६ करोड ८० लाख रुपैयाँ, लगानी कर्जा तथा अन्यबाट २ करोड ६९ लाख रुपैयाँ आम्दानी गरेको छ।
चुक्ता पूँजी एक अर्ब ३१ करोड ७४ लाख रुपैयाँ रहेको कम्पनीको जगेडा कोषमा ७३ करोड २९ लाख रुपैयाँ, बीमा कोषमा १ अर्ब १५ करोड ३३ लाख रुपैयाँ र महाविपत्ती कोषमा ७ करोड ४१ लाख रुपैयाँ सञ्चित छ।
कम्पनीको वार्षिक प्रतिशेयर आम्दानी २१ रुपैयाँ ८५ पैसा, प्रतिशेयर नेटवर्थ २४८ रुपैयाँ ८१ पैसा र मूल्य आम्दानी अनुपात ६६.५९ गुणा रहेको छ।
यस अवधिसम्ममा कम्पनीले ८१ हजार ५५७ वटा बीमालेख जारी गरी ८१ करोड ३७ लाख रुपैयाँ कुल बीमाशुल्क संकलन गरेको छ।
यस्तै, कम्पनीले १ हजार ९७७ वटा दाबी बापत २७ करोड ८७ लाख रुपैयाँ भुक्तानी गरेको छ भने ७ हजार ३७४ वटा दाबी बापत १ अर्ब ९९ करोड २६ लाख रुपैयाँ भुक्तानी गर्न बाँकी छ।
