ती भारतीय युवक पाेलमाथि गएर सुतेपछि पोलमुनि उभिएका धेरै मानिसले उनलाई तल आउन बोलाइरहे । तर उनलाई तलका गाउँलेहरूले बाेलाएकाे सम्म भन्ने पनि थाहा भएन। ती युवकलाई आफ्नो चिन्ता थिएन तर गाउँलेलाई भने उनकाे चिन्ता थियो ।
यो भिडियो हाल भाइरल भएकाे छ । सामाजिक सञ्जालमा भाइरल भएकाे भिडियाेमा मानिसहरुले अनौठो कमेन्ट गरिरहेका छन् । कतिपयले हास्यास्पद कमेन्ट पनि गरिरहेका छन् ।
के भएकाे थियाे ?
मङ्गलबार मण्डुबाबु नामका एक व्यक्ति मादक पदार्थ पिएर झुमेकाे अवस्थामा विद्युतको पोलमा चढेर तारको बीचमा सुतेका थिए । भारतीय संचारमाध्यमका अनुसार मण्डु बाबुले आफ्नी आमासँग रक्सीका लागि पैसा मागेका थिए तर उनले मानिनन् । यस्तो अवस्थामा आमालाई पैसा दिन दबाब दिनका लागि मण्डुबाबु बिजुलीको पोलमा चढेर बिजुलीको तारमा सुतेका थिए ।
मण्डुबाबुले पहिले नै रक्सी सेवन गरेका थिए। मातिएकाे समयमा नै उनले बिजुलीको पोलमा चढेर हंगामा मच्चाएका थिए ।
भाइरल भिडियोमा त्यस्ताे के छ ?
भाइरल भिडियोमा देखिएका ती व्यक्ति बिजुलीको तारमा मजाले सुतिरहेको देखिन्छ । तल उभिरहेका गाउँले तथा आफन्तहरूले उनलाई बोलाइरहेका हुन्छन् तर उनले कसैको कुरा सुन्दैनन्।
गाउँलेहरूले उनलाई बिजुलीको पोलमा चढ्न रोके पनि उनले मानेका थिएनन् । त्यसपछि, मानिसले बिजुलीको पोलमा उनलाई चढेको देखेपछि उनीहरू उनीतर्फ कुदे । युवकले सबैको बिन्तीलाई बेवास्ता गर्छन् र खम्बाको माथि चढे।
तर, गाउँलेहरूले बिजुलीको तार छोएला कि भन्ने डरले तुरुन्तै ट्रान्सफर्मर बन्द गर्छन् ।
त्यसपछि, पनि उनी नराेकि बढिरहन्छन् र पछि तारहरूमाथि गएर पल्टिन्छन्। केही समय भने उनी लडखडाउँदै हावामा झुन्डिएझैँ देखिए। भीडमा उभिएका मानिसहरू त्रसित हुन थाले। उनी लड्छन् कि भन्ने डर सबैमा देखिएकाे थियो ।
उनीहरुले दिइरहेकाे आवाजका बाबजुद पनि उनी बेहोश नै रहे । ती युवक नशामा झुमिरहे।
अन्ततः कैयाैं बिन्ती पछि, युवकलाई सावधानीपूर्वक तल ल्याइयो। भिडियोमा कैद गरिएको यो नाटकीय उद्धार सामाजिक सञ्जालमा व्यापक रूपमा शेयर भइरहेको छ।
स्थानीयले विद्युत आपूर्ति काटेर तारबाट सकुशल निकालेर उनको ज्यान जोगाएका थिए । हाल, प्रहरीले यस विषयमा थप अनुसन्धान गरिरहेको छ ।
एजेन्सीकाे सहयाेगमा ।
